عزيزي! 🎙️
كلنا أول ما بنقرأ الكلمة ديه بقينا بنسمعها بصوت أحمد الغندور المعروف بإسم الدحيح🧐
طب ازاي أحمد الغندور قدر يعمل ده؟ 🤔 هل هو سحر المصادر 📜 أم تأثير الخضرة والتفاحة اللي فاتح عندهم كشك في البرنامج؟🥒🍎
أحمد الغندور
نجح مع فريقه يعملوا حاجة براندات كبيرة لغاية دلوقتي مش ناجحة بنسبة 100% أنها تعملها، الحاجة ديه اسمها Brand Positioning اللي معناها الطريقة أو الحاجة اللي بتثبت في دماغ الجمهور فأول ما يشوفها أو يسمعها أنت أول حاجة تنط في دماغه. بمعنى أنك لو سمعت كلمة “أنا أحبه” هتعرف أن ده ماكدونالدز على طول، طب لو جبتلك كانز لونها أحمر وعليها كتابة ممسوحة ولونها أبيض هيجيلك شعور تلقائي إن ديه كوكاكولا، وهو ده بالضبط تعريف أو تأثير الـ Brand Positioning. 👌🏼
طب ده أنا أقدر اعمله ازاي؟ بخطوات بسيطة جدًا ولكن الفكرة إنك تكون مستمر عليها، بمعنى ألوانك وهويتك Visual Identity — يعني ماينفعش النهاردة تنزل بوست لونه أحمر وبكرة واحد تاني لونه أخضر، إحنا مش في إشارة مرور يا عزيزي 🚦. ديه هوية بصرية لعلامة تجارية عايزينها تسمع عند الناس.
الرسالة اللي بتقدمها لازم لهجتها وطريقة كتابتها تكون بتعبر عنك وعن الصورة اللي انت عايز توصلها عن العلامة التجارية الخاصة بيك للناس وديه اسمها الهوية الكلامية Verbal Identity 🖊️. والهويتين مع بعض هيكونوا الهوية التجارية الخاصة بالبراند أو العلامة التجارية بتاعتك Brand Identity 📋. للهويتين قواعد وشروط لازم تلتزم بيهم وتستمر عليهم (Brand Guideline) علشان تحقق الـ Brand positioning اللي كنا بنتكلم عليه فوق ⬆️.
يعني عمرك ما هتلاقي أحمد الغندور طالع في حلقة يقولك “رفيقي” بدل “عزيزي” 🤷🏽♂️؛ عمره ما هيشيل الأسكتش الممتع اللي في أول كل حلقة، وعمره ما هيبطل يقولك: “وماتنساش تتفرج على الحلقات اللي فاتت وتتفرج على الحلقات اللي جاية وتاخدلك بصة على المصادر” 😉؛ ولا عمره هيبطل يطلع بخضار وفاكهة ولا هيطلع من أوضته. 😅
آخر الكلام بنقول لأحمد الغندور مبروك على الموسم الجديد 😍. وبنقولك عزيزي لو عايز تحقق Brand Positioning روح للي فاهمينه يعني تعال لينا في BSMART Creative Agency 👩🏼🚀، تواصل معنا، وماتنساش تبص بصة على الميديا بتاعتنا من هنا.
